പത്താം ക്ലാസ്സിൽ വെറും 44 ശതമാനം മാർക്ക്: ഇന്ന് IAS

ഛത്തീസ്ഗഢ് കേഡറിൽ നിന്നുള്ള ഐഎഎസ് ഉദ്യോഗസ്ഥനായ അവനീഷ് ശരൺ,  പോസ്റ്റുകൾ ഉപയോഗിച്ച് സോഷ്യൽ മീഡിയ ഉപയോക്താക്കളെ വിസ്മയിപ്പിക്കുക പതിവാക്കിയ ആളാണ്.

 ഇത്തവണ തന്റെ പത്താം ക്ലാസ് മാർക്ക് ഷീറ്റിന്റെ ചിത്രമാണ് ശരൺ ട്വിറ്ററിൽ പങ്കുവെച്ചത്. 1996-ൽ ബീഹാർ ബോർഡിൽ നിന്ന് അദ്ദേഹം തന്റെ പരീക്ഷ വിജയിച്ചതായി സർട്ടിഫിക്കറ്റിൽ രേഖപ്പെടുത്തിയിരിക്കുന്നു. ആകെയുള്ള മാർക്ക് 700-ൽ 314. അതായത് 44.85 ശതമാനം മാത്രം മാർക്ക്.

 ഷെയർ ചെയ്തതിന് ശേഷം, ട്വീറ്റിന് ഏകദേശം 32,000 ലൈക്കുകളും ആയിരക്കണക്കിന് ഷെയറുകളും ലഭിച്ചു. നിരവധി ഉപയോക്താക്കൾ ഈ പോസ്റ്റിൽ നിന്ന് പ്രചോദനം ഉൾക്കൊണ്ടിരുന്നു, എന്നാൽ കുറഞ്ഞ സ്കോറുകൾ ഉണ്ടായിരുന്നിട്ടും യൂണിയൻ പബ്ലിക് സർവീസ് പരീക്ഷ (UPSC) എങ്ങനെ തിരഞ്ഞെടുത്തുവെന്നാണ് ഇപ്പൊ എല്ലാർക്കും അറിയേണ്ടത്.

ട്വിറ്ററിൽ പോസ്റ്റ് ചെയ്ത മാർക് ഷീറ്റ്

 "ഞാൻ വിഷാദത്തിലാകുമ്പോഴെല്ലാം അസാധ്യമായി ഒന്നുമില്ലെന്ന് നിങ്ങള് ഉറക്കെ പറയുന്നതായി തോന്നുന്നു. എന്നെപ്പോലുള്ള യുവാക്കളെ നിങ്ങൾ എത്രമാത്രം പ്രചോദിപ്പിക്കുന്നുവെന്ന് നിങ്ങൾക്കറിയില്ല, ജീവിതത്തിൽ പോരാടാൻ എനിക്ക് ശക്തി നൽകുന്ന നിങ്ങളെപ്പോലുള്ളവരെക്കുറിച്ച് ഞാൻ എപ്പോഴും വായിക്കുന്നു," ഇങ്ങനെയാണ് കമൻ്റുകൾ വരുന്നത്.

 അതേ വർഷം പത്താം പരീക്ഷ പാസായ മറ്റൊരാൾ പറയുന്നു, "1996-ൽ ഇതേ പരീക്ഷയിൽ എനിക്ക് 65% ലഭിച്ചു, എന്റെ സ്കൂൾ ടോപ്പർക്ക് 75% വും. അവൻ കൂടുതൽ നേടിയതിൽ എനിക്ക് വളരെ സങ്കടം തോന്നിയിരുന്നു. ഇന്ന് എനിക്ക് തോന്നുന്നു, അതിന് ഒരു മൂല്യവുമില്ല. ടോപ്പറായി മാറിയ ആൾക്കും എനിക്കും വിജയത്തിന്റെ കാര്യത്തിൽ വലിയ വിടവില്ല. കുറവ് കിട്ടിയ ആൾ നമ്മളേക്കാൾ വിജയിക്കും."