ഇൻ്റേൺഷിപ്പ്: നവകേരളം പദ്ധതിയിൽ പ്രതിമാസ വരുമാനത്തിൽ
എന്വയോണ്മെന്റല് സയന്സ്, ജിയോളജി/ എര്ത്ത് സയന്സ്, സോഷ്യോളജി, സോഷ്യല് വര്ക്ക്, ബോട്ടണി എന്നീ വിഷയങ്ങളില് ബിരുദാനന്തര ബിരുദധാരികള്ക്കും സിവില് എഞ്ചിനീയറിങ്, കൃഷി എന്നീ വിഷയങ്ങളില് ബിരുദധാരികള്ക്കും ജേര്ണലിസത്തില് ബിരുദാനന്തര ബിരുദം അല്ലെങ്കില് പി.ജി ഡിപ്ലോമ വിജയിച്ചവര്ക്കും നവകേരളം കര്മ്മപദ്ധതിയില് (Navakeralam Project) ഇന്റേണ്ഷിപ്പ് പ്രോഗ്രാമിന് അപേക്ഷിക്കാം. ആറ് മാസമാണ് കാലാവധി.
തെരഞ്ഞെടുക്കപ്പെടുന്നവര് 14 ജില്ലാ മിഷന് ഓഫീസുമായും നവകേരളം കര്മ്മപദ്ധതി സംസ്ഥാന ഓഫീസുമായും ബന്ധപ്പെട്ടാണ് പ്രവര്ത്തിക്കേണ്ടത്. അതത് രംഗത്തെ വിദഗ്ദ്ധര് പരിശീലനവും മാര്ഗനിര്ദേശങ്ങളും നല്കും. വിജയകരമായി പരിശീലനം പൂര്ത്തിയാക്കുന്നവര്ക്ക് സര്ട്ടിഫിക്കറ്റും പ്രതിമാസം സര്ക്കാര് അംഗീകൃത സ്റ്റൈപന്ഡും നല്കും. ഇന്റര്വ്യൂവിന്റെ അടിസ്ഥാനത്തിലാണ് തെരഞ്ഞെടുക്കുക. ഹരിതകേരളം മിഷന് വെബ്സൈറ്റില് നല്കിയിട്ടുള്ള ഓണ്ലൈന് സംവിധാനം www.careers.haritham.kerala.gov.in മുഖേന ജൂലൈ 23 വരെ അപേക്ഷ സമര്പ്പിക്കാം. പ്രായപരിധി 27 വയസ്.
അപേക്ഷിക്കേണ്ട രീതി:
വെബ് പോർട്ടലിൽ റജിസ്റ്റർ ചെയ്തതിന് ശേഷം ലോഗിൻ ചെയ്യുക. റജിസ്റ്റർ ചെയ്യുമ്പോൾ ഉപയോഗിച്ച email ID, password സൂക്ഷിച്ച് വെക്കുക.
ലോഗിൻ ചെയ്തതിന് ശേഷം ബേസിക് പ്രൊഫൈൽ പൂരിപ്പിയ്ക്കുക. പിന്നീട് ഫോട്ടോ അപ്ലോഡ് ചെയ്യുക. അതിനു ശേഷം നേരത്തെ തയാറാക്കിയ CV യും അപ്ലോഡ് ചെയ്യുക. തുടർന്ന് അപേക്ഷ പൂർത്തിയാക്കുക. പിന്നീട് ഇൻ്റർവ്യൂ വഴി പ്രവേശനം നൽകും.
Only for Technical support contact -94 95 38 38 82
For Internship releated questions contact -9447 5876 32
